Na neethi suryuda

 నా నీతి సూర్యుడా - భువినేలు యేసయ్యా 

 సరిపోల్చలేను నీతో- ఘనులైన వారిని  (2)

రాజులకే మహారాజవు - కృపచూపే దేవుడవు

 నడిపించే నజరేయుడా -  కాపాడే కాపరివి (2)             ||నా నీతి||

1. శ్రమలలో  బహుశ్రమలలో - ఆదరణ కలిగించెను

 వాక్యమే  కృపావాక్యమే - నను వీడని అనుబంధమై (2)

నీమాటలే  జలధారాలై - సంతృప్తి నిచ్చెను

 నీమాటలే  ఔషధమై - గాయములు కట్టెను

 నీ మాటే మధురం

 రాజులకే మహారాజవు  -  కృపచూపే  దేవుడవు

 నడిపించే నజరేయుడా -  కాపాడే కాపరివి                        ||నా నీతి||

2. మేలుకై  సమస్తమును  జరిగించుచున్నావు నీవు

 ఏదియు  కొదువ చేయవు  నిన్నాశ్రయించిన వారికి (2)

భీకరమైన కార్యములు  చేయుచున్నవాడా

 సజీవుడవై  అధిక స్తోత్రము  పొందుచున్నవాడా

 ఘనపరుతును నిన్నే

 ప్రేమించే  యేసయ్యా - నీవుంటే  చాలునయా

 నడిపించే  నజరేయుడా -  కాపాడే  కాపరివి                                ||నా నీతి||

3. సంఘమై  నీ స్వాస్థ్యమై -‌ నను నీ యెదుట నిలపాలని

 ఆత్మతో  మహిమాత్మతో- నన్ను ముద్రించి యున్నావు నీవు (2)

వరములతో  ఫలములతో - నీకై బ్రతకాలని

 తుదిశ్వాస  నీ సన్నిధిలో - విజయం చూడాలని

 ఆశతో ఉన్నానయా

 కారుణించే యేసయ్యా -  నీ కోసమే నా జీవితం

 నిను చేరే ఆశయం తీరాలయ్యా

 నిను చూసే ఆక్షణం రావాలయ్యా       ||నా నీతి||

Sumadhura swaramula ganalatho

 సుమధుర స్వరముల గానాలతో - వేలాది దూతల గళములతో

కొనియాడబడుచున్న నా యేసయ్యా - నీకే నా ఆరాధన (2)

మహదానందమే నాలో పరవశమే నిను స్తుతియించిన ప్రతీక్షణం (2)             || సుమధుర ||

                   

1. ఎడారి త్రోవలో  నేనడచిన - ఎరుగని మార్గములో నను నడిపిన

నా ముందు నడిచిన జయవీరుడా - నా విజయ సంకేతమా (2)

నీవే నీవే - నా ఆనందము

నీవే నీవే - నా ఆధారము  (2)                                                            || సుమధుర ||

                   

2. సంపూర్ణమైన నీ చిత్తమే - అనుకూలమైన సంకల్పమే

జరిగించుచున్నావు నను విడువక  - నా ధైర్యము నీవేగా  (2)

నీవే నీవే - నా జయగీతము

నీవే నీవే - నా స్తుతిగీతము  (2)                                                 || సుమధుర ||

            

3. వేలాది నదులన్ని నీమహిమను - తరంగపు పొంగులు  నీబలమును

పర్వత శ్రేణులు నీకీర్తినే - ప్రకటించుచున్నావేగా  (2)

నీవే నీవే - నా అతిశయము

నీకే నీకే - నా ఆరాధన  (2)                                                         || సుమధుర ||

               

Najareyuda Na Yesayya Yenni Yugalakaina

నజరేయుడా నాయేసయ్యా - ఎన్నియుగాలకైనా
 ఆరాధ్య దైవం నీవేనని - గళమెత్తి నీకీర్తి నే చాటెద } 2

1.ఆకాశ గగనాలను నీ జేనతో కొలిచితివి } 2
శూన్యములో ఈ భూమిని వ్రేలాడదీసిన నా యేసయ్యా } 2
నీకే వందనం - నీకే వందనం } 2                          || నజరేయుడా ||  


2.ఆగాధ సముద్రాలకు - నీవే ఎల్లలు వేసితివి } 2
జలములలో బడి నేవెళ్ళినా - నన్నేమి చేయవు నాయేసయ్యా } 2
నీకే వందనం - నీకే వందనం } 2                         || నజరేయుడా ||  


3.సీయోను శిఖరాగ్రము - నీ సింహాసనమాయెనా } 2
సీయోనులో నిన్ను చూడాలని - ఆశతో ఉన్నాను నాయేసయ్యా } 2
నీకే వందనం - నీకే వందనం } 2                         || నజరేయుడా ||